Dosja e përfitimit të pagesës së KEMP-së nga personat me aftësi ndryshe dorëzohet në Zyrën e Shërbimit Social Shtetëror.
Prindi apo kujdestari i personit të dalë në KMCAP duhet të paraqesë këto dokumente:
- certifikatën e gjendjes familjare;
- certifikatën personale me fotografi;
- fletë drejtimin për KMCAP në rastet kur personi komisionohet për herë të parë;
- epikrizën përcjellëse, çdo herë që rikomisionohet.
Kur personi me aftësi ndryshe përcaktohet me vendim të komisionit mjekësor se ka nevojë për përkujdesje, kujdestari duhet të mundësojnë këto dokumente shtesë:
- certifikatë personale me fotografi e personit kujdestar;
- deklaratë/vendim gjyqësor, për kujdestarin e zgjedhur nga personi me aftësi të kufizuar;
- raport mjekoligjor që vërteton se kujdestari është i aftë fizikisht dhe mendërisht.
Raporti nxirret pas vizitave në tri specializime:
- mjeku psikiatër;
- mjeku okulist;
- mjeku otorinolaringolog.
Personat me aftësi ndryshe të cilët ndjekin shkollën e mesme apo të lartë, me apo pa shkëputje nga puna, duhet të mundësojnë këto dokumente shtesë, përveç dokumentacionit të përcaktuar më sipër:
- Vërtetim nga titullari dhe sekretari i shkollës ku të shënohen:
- emri i personit që ndjek shkollën;
- lloji i arsimit të ndjekur ku përcaktohet nëse është cikël shkollor normal apo i përsëritur;
- viti shkollor.
- Vërtetim i nënshkruar nga titullari dhe sekretari i shkollës për frekuentimin e shkollës nga personi përfitues (çdo tre muaj);
- Vërtetim që dëshmon se janë shlyer detyrimet për çdo sezon, për shkollën e lartë, pa shkëputje nga puna;
- Kopje e noterizuar e dëftesës shkollore të çdo viti dhe kopje e noterizuar e diplomës në mbarim të shkollës së mesme ose të lartë, si dhe kopje të dëshmive të kurseve të kualifikimit.
I gjithë dokumentacioni duhet të njësohet me origjinalin në zyrën e një noteri. Prindi ose kujdestari e dorëzon dokumentacionin e noterizuar në Zyrën e Shërbimit Social pranë bashkisë/ njësisë bashkiake në të cilën jeton.
Zyra e Shërbimit Social Shtetëror përcakton shkallën e invaliditetit dhe në varësi të rastit lëshon një nga dy llojet e vërtetimeve për KEMP:
- KEMP pa person shoqërues;
- KEMP me person shoqërues.
Zyra e Shërbimit Social Shtetëror i njofton kujdestarit vendimin e saj. Ajo jep udhëzime për hapjen e llogarisë bankare në të cilën do të derdhet pagesa mujore. Personat të cilët komisionohen për herë të parë, e përfitojnë pagesën dy muaj pas marrjes së vendimit në komision.
*Për informacion plotësues luteni të vizitoni ADISA – persona me aftësi ndryshe ose kontaktoni Qendrën e Informimit për Shërbimet Publike – ADISA, në numrin e telefonit pa pagesë 0800 0118, nga e hëna në të premte, gjatë orëve 08:00 – 19:00.